ماہنامہ عبقری - اکتوبر 2010ء

اخلاص کسے کہتے ہیں ایک اللہ والے تجارت کیا کرتے تھے جب وہ صبح گھر سے نکلتے تو دوپہر کا کھانا لے کر نکلتے تھے راستے میں جاتے ہوئے اپنا کھانا کسی سائل کو دے دیتے اور خود شام کو گھر جاکر کھانا کھاتے۔ گھر والے سمجھتے تھے دن کا کھانا دکان پر کھاتا ہوگا دکان والے سمجھتے تھے گھر سے کھا کر آتا ہوگا۔ اس طرح انہوں نے 30 سال روزے رکھے اور کسی کو پتہ نہ چلنے دیا۔ آخر ان کی وفات کے بعد یہ معاملہ کھلا اسے اخلاص کہتے ہیں۔ ایک صحابی رضی اللہ عنہ کی نصیحت ایک آدمی نے حضرت ابی بن کعب رضی اللہ عنہ کی خدمت میں عرض کیا اے ابوالمنذر! آپ مجھے کچھ وصیت فرمادیں۔ فرمایا لایعنی والے کام میں ہرگز نہ لگو اور دشمن سے کنارہ کش رہو اور دوست کے ساتھ ہمیشہ چوکنے ہوکر چلو ( یعنی وہ دوستی میں تم سے کوئی غلط کام نہ کروالے) زندہ آدمی کی انہیں باتوں یعنی نیک اعمال اور اچھی صفات پررشک کرتے ر ہو اور اپنی حاجت اس آدمی سے نہ طلب کرو جسے تمہاری حاجت پوری کرنے کی پرواہ نہیں ہے۔ انمول موتی ٭جس گھر میں نظم و ضبط اور حسن اخلاق نہ ہو وہ گھرتباہ ہوجاتا ہے بالکل اسی طرح جس دل میں رب سے ملاقات کا شوق نہ ہو تو وہ دل بھی تباہ ہو جاتا ہے۔ ٭جو گناہ پر پچھتائے اسے ولی سمجھو‘ جو پرواہ نہ کرے اسے گنہگار انسان سمجھو‘ جو گناہ کرکے اترائے اسے شیطان سمجھو۔ پچھلا صفحہ